साउन १, काठमाडौं ।सत्तारुढ दल नेपाल कम्युनिस्ट पार्टी (नेकपा)का तीन शीर्ष नेताहरुबीचको छलफल बिना निष्कर्ष सकिएको छ।तर भोलि बस्ने स्थायी कमिटी बैठक रोकिने छैन।
नेकपा पार्टी भित्रै विवाद चर्किंदै गए देखि पार्टीका दुई अध्यक्ष बीच बारम्बार वार्ता भइरहेको छ ।त्यसै क्रमलाई निरन्तरता दिँदै आज मध्याह्न प्रधानमन्त्री निवास बालुवाटारमा अध्यक्ष एवं प्रधानमन्त्री केपी शर्मा ओली, अर्का अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपाल र ओली पक्षबाट महासचिव विष्णु पौडेल नेपालबीच झण्डै तीनघण्टा छलफल भएको हो। आजको छलफल निष्कर्षविहिन भएतापनि पटक पटक स्थगित हुँदै आएको नेकपाको स्थायी कमिटी बैठक भोलि भने नरोकिने बताए।
महा सचिब पौडलले भने, ‘मुख्य विषयहरुमा कुरा भएको छ, तर कुनै सहमति भने भएको छैन।’ उनले भोलि (शुक्रबार) स्थायी सहमति बस्ने विषयमा भने सहमति भएको बताए।
