साउन २, काठमाडौं । पछिल्लो २४ घण्टामा थप १०१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले पुष्टि गरेको छ ।
मन्त्रालयको नियमित प्रेस ब्रिफिङ अन्तर्गत आज देशभरका २७ प्रयोगशालामा गरिएको परीक्षणमा १०१ जनामा कोरोना पोजिटिभ देखिएको प्रवक्ता डा. जागेश्वर गौतमले जानकारी दिए।
हालसम्म नेपालमा कुल १७ हजार ४ सय ४५ जना कोरोना संक्रमित भएको छ भने हाल कोरोनाका सक्रिय संक्रमितको संख्या ५ हजार ८७१ पुगेको छ ।आज २८५ जनामा कोरोनामुक्त भई घर फर्केका छन् ।
योसँगै नेपालमा कोरोनामुक्त हुनेको संख्या ११ हजार ५३४ पुगेको छ । प्रवक्ता गौतमका अनुसार कोरोना संक्रमणबाट अहिलेसम्म ४० जनाको मृत्यु भइसकेको छ ।
