साउन ३, काठमाडौं । शनिबार नेपालमा कोरोना भाइरस संक्रमितको संख्या ५७ जना मात्र पुष्टि भएका छन् ।
देशभरका २७ वटा प्रयोगशालामा गरीएको परीक्षणमा ५७ जना नयाँ कोरोना संक्रमित पुष्टि भएको स्वास्थ्य तथा जनसंख्या मन्त्रालयको प्रवक्ता डा. जागेश्वर गौतमले बताएका हुन्।
मन्त्रालयका प्रवक्ता गौतमका अनुसार आज फेला परेका हरुमा वीपी कोइराला स्वास्थ्य विज्ञान प्रतिष्ठान धरानमा ४ जना, कोशी अञ्चल अस्पताल विराटनगरमा ७ जना, प्रादेशिक जनस्वास्थ्य प्रयोशाला विराटनगरमा २ जना,नारायणी प्रयोगशालामा १ जना, राष्ट्रिय प्रयोगशाला टेकुमा ३ जना, प्रादेशिक जनस्वास्थ्य प्रयोगशाला पोखरामा २ जना, प्रादेशिक जनस्वास्थ्य प्रयोगशाला रुपन्देहीमा ४ जना,सुर्खेत प्रादेशिक जनस्वास्थ्य प्रयोगशालामा १ जना, दैलेख पिसीआर प्रयोगशालामा ४ जना, चौरहजारी जनस्वास्थ्य प्रयोगशालामा ४ जना, डडेलधुरा प्रादेशिक जनस्वास्थ्य प्रयोगशालामा ११ जना र सेती प्रादेशिक जनस्वास्थ्य प्रयोगशालामा १४ जनामा कोरोना पोजेटिभ पुष्टि भएको छ ।
योसँगै मुलुकमा कोरोना संक्रमण हुनेको संख्या १७ हजार ५ सय २ जना पुगेको छ ।
पछिल्लो २४ घण्टामा १०३ जना डिस्चार्ज भएका छन् । आजसम्म डिस्चार्ज हुनेको संख्या ११ हजार ६ सय ३७ रहेको छ । कोरोना सक्रिय रहेको संख्या ५ हजार ८ सय २५ रहेको छ । देशभर ३ हजार ३ सय २१ जनाको रियल टाइम पिसिआरबाट कोरोना परीक्षण भएको छ ।
हाल देशका विभिन्न भागमा रहेका क्वारेन्टाइनमा २३ हजार २ सय ७५ जना रहेका छन् । आइसोलेसनमा रहनेहरुको संख्या ५ हजार ८ सय २५ रहेको स्वास्थ्य तथा जनसंख्या मन्त्रालयले जनाएको छ
