श्रीमती हत्या अभियोगमा सर्वस्वसहित जन्मकैद भोगिरहेका सशस्त्र प्रहरीका पूर्व डीआइजी रञ्जन कोइरालाको सजाय सर्वोच्च अदालतले घटाइ दिएपछि उनी बिहीबार जेलबाट छुटेका छन्।
श्रीमतीको हत्यापछि गाडीमा राखेर मकवानपुर लगि जलाएका उनी दोषी ठहर भएका कोइरालालाई बिहीवार सर्वोच्चका प्रधान न्यायाधीश चोलेन्द्र शमशेर जबराले आवेशमा हुन गएको घटना भनी सजाय मिनाहा गरेको हो।
पूर्वनियोजित घटनालाई कानुनले नै आवेशमा हुन गएको भन्दै अपराधीलाई खुल्ला छोडेपछि सर्वसाधारणले प्रधान न्यायाधीशलाई कारबाही गर्न माग गरिरहेको छ।गीता ढकालका बाबु हरेराम ढकालले सर्वोच्चले आफूहरुलाई अन्याय गरेको बताएका छन् ।
पुर्व प्रधानमन्त्री बाबुराम भट्टराईले पनि न्यायाधीशलाई कारबाही गर्नुपर्ने बताएका थिए।
२०६८ साल माघमा उनले श्रीमती गीताको हत्या गरेका थिए।काठमाडौँ जिल्ला अदालतले २०७१ वैशाख ७ मा सर्वस्वसहित जन्मकैदको फैसला गरेको थियो । सो फैसला तत्कालीन पुनरावेदन अदालत पाटनले २०७२ मंसिर २३ मा सदर गरेको थियो ।तर कानुनले नै अपराधीलाई छुट दिएको छ।
