साउन ११, काठमाडौं। पछिल्लो २४ घण्टामा थप १३० जनामा कोरोना सङ्क्रमण पुष्टि भएको छ।
स्वास्थ्य तथा जनसंख्या मन्त्रालयको नियमित प्रेस ब्रिफिङ अन्तर्गत आज देशभरका विभिन्न प्रयोगशालामा गरिएको परीक्षणमा १३० जना संक्रमित थपिएको प्रवक्ता एवम् डा. जागेश्वर गौतमले बताउनु भएको हो। यससँगै नेपालमा अहिले सम्म संक्रमितको संख्या १८ हजार ६ सय १३ पुगेको जानकारी दिनुभयो।
मन्त्रालयका अनुसार आज काठमाडौं उपत्यकामा ८ जना कोरोना संक्रमित थपिएका छन् ।राष्ट्रिय जनस्वास्थ्य प्रयोगशालामा दुईजना, शुक्रराज ट्रपिकल तथा सरुवा रोग अस्पतालमा तीनजना र स्टार अस्पताल ललितपुरमा तीनजनामा कोरोना संक्रमण पुष्टि भएको जनाएका छ।
मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा ७५ जना डिस्चार्ज भएका छन् । हालसम्म १३ हजार १ सय २८ डिस्चार्ज भएका छन् भने कोभिड १९ संक्रमणका कारण हालसम्म ४५ जनाको मृत्यु भएको छ ।
