साउन १६, काठमाडौं । शुक्रवार थप २२४ जनामा कोरोना भाईरस संक्रमण पुष्टि भएको छ । योसँगै नेपालमा कोरोना संक्रमितको कुल संख्या १९ हजार ७७१ पुगेको छ ।
नेपालमा कोरोना भाइरसबाट बितेको २४ घण्टामा मात्रै ४ जनाको मृत्यु भएको पनि मन्त्रालयले पुष्टि गरेको छ ।
त्यस्तै पाटन अस्पतालमा एक महिलाको मृत्यु भएको हो । ती महिला पनि वीरगञ्ज-११ स्थायी घर भई ललितपुर थसिखेल -५ बस्दै थिइन्।मधुमेहका विरामी ति महिला साउन ६ गते अस्पताल भर्ना भएकी थिइन् । ज्वरो, खोकी र श्वासप्रश्वासमा समस्या आएपछि उपचारका लागि स्टार अस्पतालमा भर्ना भएकी थिइन् । साउन ६ गते कोरोना पुष्टि भएपछि उपचारका लागि पाटन अस्पताल भर्ना गरिएको थियो ।
आज पुष्टि भएका ४ कोरोना संक्रमितको मृत्यु सँगै नेपालमा कोरोनाबाट मृत्यु हुनेको संख्या ५६ पुगेको छ ।
स्वास्थ्य मन्त्रालयका प्रवक्ता प्राडा. गौतमका अनुसार आज झापाका १३, मोरङका १५ ,धनुषाका १,बाराका ४,सर्लाहीका १,पर्साका ४१,रौतहटका ३, बझाङका २५ ,कैलालीका १५,काठमाडौंका ३२,नुवाकोटका २ ,ललितपुरका ५ ,नवलपरासी पूर्वका २ ,मकवानपुरका १, दार्चुलाका १६ ,कञ्चनपुरका १८ ,सप्तरीका १ ,भक्तपुरका १ ,कास्कीका ३ ,म्याग्दीका २,तनँहुका १ , गुल्मीका २ , रुपन्देहीका १,बाँकेका १,दैलेखका २ ,दाङका ३,बैतडीका १०, र डोटीका ३ जना रहेका छन्।
आज थप १५१ जना कोरोना संक्रमणमुक्त भएका छन् । यससँगै कोरोना संक्रमणमुक्त भई अस्पतालबाट घर फर्किनेको संख्या १४ हजार ३९९ पुगेको छ । कुल संक्रमित मध्ये ७२.८ प्रतिशत संक्रमित कोरोना संक्रमण मुक्त भएका स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले जानकारी दिए ।
