केरला। एयर इन्डिया एक्सप्रेसको बोइङ–७३७ शुक्रबार साँझ केरलको क्यालिकट विमानस्थलमा दुर्घटनाग्रस्त भएको छ ।
दुबईबाट आएको एअर इन्डिया एक्सप्रेसको यात्रुवाहक विमान दक्षिण भारत केरलास्थित विमानस्थलमा अवतरणको क्रममा दुर्घटना भएको हो ।
बिबिसिका अनुसार विमानमा चालक दलका सदस्यसहित १९१ जना यात्रु रहेका छन् । विमानमा १ सय ७४ यात्रु, १० शिशु, दुई पाइलट र चार परिचारक थिए।शुक्रबार साँझ करिब ७ :४५ बजे कोजिकोड एयरपोर्टमा अवतरण क्रममा रनवेबाट चिप्लिएर विमान दुर्घटना भएको हो।
विमान दुर्घटनामा दुई पाइलटसहित कम्तीमा ११ जनाको ज्यान गएको सञ्चार माध्यमहरुले जनाएको छ । घटनाको यकिन विवरण भने आउन बाँकी छ।
