साउन २६, काठमाडौं। नेपालमा पछिल्लो २४ घण्टामा मुलुकमा ३३८ जना नयाँ कोरोना भाइरस सङ्क्रमण पुष्टि भएको छ। यो सँगै हालसम्म देशभर २३ हजार ३ सय १० संक्रमित पुगेको स्वास्थ्य तथा जनसंख्या मन्त्रालयले जनाएको छ।
पछिल्लो अपडेटमा कोरोना भाइरसका कारण काठमाडौंका दुई जनाको मृत्यु भएको छ ।
मृत्यु हुनेमा काठमाडौं जिल्ला कामनपा १०, मध्य बानेश्वर बस्ने ७६ वर्षिय एक पुरुष को मिति २०७७ साउन २६ गते आज विहान मेडिकेयर अस्पतालमा निधन भएको हो ।
त्यस्तै काठमाडौंकै कीर्तिपुर नपा ट्याङ्लाफाँट बस्ने ६४ वर्षिय एक पुरुषको मिति २०७७ साउन २६ गते विहान मेडिसिटी अस्पतालमा निधन भएको छ । मृगौलाका दीर्घरोगी निज मिति २०७७ आषाढ ३१ गते निमोनिया तथा सेप्टीक सक भई अस्पताल भर्ना हुनु भएको थियो । निजको गत साउन ५ गते कोरोना पुष्टी भएको थियो ।
काठमाडौं उपत्यकामा मात्र आज ४४ जना नयाँ संक्रमित थपिएका छन्।
मन्त्रालयका प्रवक्ता प्राडा. जागेश्वर गौतमका अनुसार आज पुष्टि भएका संक्रमितहरुमा झापा १, खोटाङमा १ , मोरङमा १५ ,धनुषामा १३, महोत्तरीमा ३ बारामा २३,काठमाडौंमा ३६, ललितपुरमा ४ ,भक्तपुरमा ४,नुवाकोटमा ४, रौतहटमा ३३, सर्लाहीमा २१ र सिन्धुपाल्चोकमा १, मकवानपुरका २३, सिन्धुलीका ६, अछाम १, अर्घाखाँची १, बाग्लुङ १, चितवनका १ ,बर्दियाका २, दाङका ५, गोरखाका ३ , कपिलवस्तुका ११, पाल्पा १, रामेछाप १, पर्सा १, स्याङ्जामा १ , तनहुँ २ , नवलपरासीमा पूर्वमा २,प्यूठानमा १५, रुपन्देहीमा १, बाँकेमा ६२ जना रहेका छन्। बाँकेमा आज सबैभन्दा बढी कोरोना संक्रमितको देखिएको हो।
त्यस्तै कैलालीमा ७, सल्यानमा ७ , दैलेखमा १७ र रोल्पा १, सुर्खेत १, बैतडी र बझाङमा पनि १ १ जना कोरोना संक्रमित रहेेका छन्।
हाल देशभर सक्रिय संक्रमितको संख्या ६ हजार ७३८ छन्। डिस्चार्ज हुनेको संख्या १६ हजार ४९३ पुगेको छ।
कोरोना संक्रमणबाट मृत्यु हुनेको संख्या ७९ पुगेको छ।
