भाद्र ६, बारा। माेटरसाइकल चेकजाँचको क्रममा बाराको महागढीमाई नगरपालिका- ७ बनौलिस्थित सडकमा स्रोत नखुलेको १६ लाख रुपैयाँ बरामद भएको छ।
बारा प्रहरीका अनुसार आज (शनिबार ) बिहान प्रहरी टोलीले मोटरसाइकललाई चेकजाँच क्रममा प्रहरी टोली देखेपछि चालकले झोला फ्याँकेर फरार भएको बारा प्रहरीले जनाएको छ।
रातो जेब्रा झोला खोलेर हेर्दा १ हजारका ७६२ थान र ५०० दरका १६७६ थान नोट भेटिएको प्रहरीले जनाएको छ।
फरार भएका मोटरसाइकल चालकको खोजी भइरहेको प्रहरीले जनाएको छ।
स्रोत नखुलेको रकम हुण्डी कारोबारमा प्रयोग हुने गरेको प्रहरीको दाबी छ।
