भाद्र ७, काठमाडौं। नेपालमा पछिल्लो २४ घण्टामा थप ८१८ जनामा कोरोना संक्रमण पुष्टि भएको छ।  यससँगै नेपालमा संक्रमितको कुल संख्या ३१ हजार ९३५ पुगेको स्वास्थ्य मन्त्रालयले जनाएको छ।

आज थप ३ जनाको कोरोना संक्रमणबाट मृत्यु भएको स्वास्थ्य मन्त्रालयका प्रवक्ता प्राडा जागेश्वर गौतमले पुष्टि गर्नुभएको छ। मृत्यु हुनेमा झापा, पर्सा र सर्लाहीका एक एक जना रहेको छ।  नेपालमा हालसम्म कोरोनाको कारण १४९ जनाको मृत्यु भएको छ ।  कुल संक्रमितमध्ये मृत्यु हुनेको दर ० दशमलव ४७ प्रतिशत रहेको प्रवक्ता गौतमले बताउनुभयो ।