भाद्र ८, काठमाडौं। नेपाल विद्युत प्राधिकरणका प्रबन्ध निदेशक कुलमान घिसिङको कार्यकाल सकिन २० दिन मात्र बाँकी छ।र अहिले नेपाली जनताले सामाजिक सञ्जाल मार्फत कुलमान घिसिङ पुन: नियुक्तिको माग गरिरहेका छन्।
सामाजिक सञ्जाल फेसबुक र ट्वीटरमा #wewantkulmaanagain, #we want kulmaan जस्ता थुप्रै पोस्टहरु ट्रेन्ड भइरहेको छ।
देशभर चर्चा र चासोको बिषय बनेको छ प्राधिकरणको प्रबन्ध निर्देशक पदमा अब को आउने हो भन्ने । अधिकांश नेपालीले कुलमानको पुन: नियुक्ति सम्भव की असम्भव ? असम्भव भए किन असम्भव जस्ता प्रश्नहरू उठाइरहेका छन् ।
कुलमान घिसिङले नेपालमा बिजुली बत्तीको खपत नै बन्द गरी कृतिम बिजुली बत्तीहरु प्रयोग भइरहेको समयमा विद्युत प्राधिकरणको प्रबन्ध निर्देशकको कार्यभार सम्हालेका थिए । उनी सन् २०१६ सालमा नेपाल विद्युत प्राधिकरणको प्रबन्ध निर्देशक पदमा नियुक्त भएका थिए ।उनकै कारण वर्तमान समयमा नेपालीले दिनको २० घण्टाको लोडसेडिङ बिर्सेर २४ घण्टा बिजुली प्रयोग गर्न पाइरहेको छ ।
लोडसेडिङ अन्त्य गर्न असम्भव जस्तै भइसकेको समयमा उनले नेपाल २४ घण्टा बिजुली प्रयोग गर्न सक्षम देश भएको बताएका थिए । र आज उनकै कारण नेपालमा ब्याट्री र जेनेरेटर जस्ता सामाग्रीको खपत कम भएको छ भने प्राकृतिक बिजुली उत्पादन र खपत बढिरहेको छ। उद्योगहरूमा प्रशस्त मात्रामा बिजुली प्रयोग गर्न सकिरहेको छ।
