भाद्र ११, काठमाडौं। थप १ हजार १११ जना कोरोना संक्रमित थपिएको छ भने ८ जनाको सङ्क्रमणका कारण मृत्यु भएको स्वास्थ्य तथा जनसंख्या मन्त्रालयले प्रेस ब्रिफिङ अन्तर्गत बिहिबार जानकारी दिएको छ ।
योसँगै हालसम्म कोरोना संक्रमितको संख्या ३५ हजार ५२९ पुगेको छ भने सक्रिय संक्रमित १५ हजार २७३ रहेका छन्। साथै आज मृत्यु हुने ८ जना सहित कुल १८३ जनाको मृत्यु भएको छ।
मन्त्रालयका प्रवक्ता प्राडा जागेश्वर गौतमका अनुसार काठमाडौँका २७०, ललितपुरका ६६, भक्तपुरका ४१, खोटाङका १, मोरङका २०, संखुवासभाका ४, सुनसरीका ३८, धनुषाका ३९, पर्साका ८५, बाराका ३०, महोत्तरीका ७, रौतहटका १५, सप्तरीका २२, सर्लाहीका ६, सिरहाका ७, काभ्रेका १३, चितवनका ४५, दोलखाका २, धादिङका १, नुवाकोटका ७, मकवानपुरका ६३, रामेछापका ६, सिन्धुलीका ५, कास्कीका २ र गोर्खाका १ जना, तनहुँका ११, नवलपरासीका १७, पर्वतका १, लमजुङका ३, बागलुङका ८, कपिलवस्तुका २१, गुल्मीका ३, दाङका २, नवलपरासीका १८, प्यूठानका ४, बर्दियाका १, बाँकेका ७५, रुपन्देहीका ७२, जाजरकोटका ५, दैलेखका १२, सुर्खेतका ९, कञ्चनपुरका ६, कैलालीका २०, डोटीका ६, बझाङका १ तथा बैतडीका १७ जना कोरोना संक्रमित थपिएका छन्।
पछिल्लो २४ घण्टामा कोरोना संक्रमणमुक्त हुनेको संख्या ५६९ जना रहेका छन् । यससँगै हालसम्म २० हजार ७३ जना संक्रमणमुक्त भएका छन्। र १२ हजार ६२९ जनाको पीसीआर परिक्षण गरिएको छ।
