भाद्र १२, काठमाडौं। देशमा कोरोना संक्रमित बढ्दै गएका कारण थप ३ अस्पताललाई कोरोना अस्पतालमा सुचीकृत गरिएको छ।
स्वास्थ्य मन्त्रालयको नियमित प्रेस व्रिफिङका क्रममा मन्त्रालयका प्रवक्ता डा. जागेश्वर गौतमले वीरगञ्जको नेशनल मेडिकल कलेज, काठमाडौँको कान्तिपुर अस्पताल र जनमैत्री अस्पताललाई कोभिड अस्पताल बनाएको जानकारी दिए।
साथै मन्त्रालयका प्रवक्ता प्राडा जागेश्वर गौतमले केन्द्र ,प्रदेश र पालिका तहका अस्पतालहरूमा शैया थप गरिएको जानकारी दिनुभयो। उनका अनुसार केन्द्रीय तहमा १ हजार शैया , प्रदेश तहमा १ हजार ९ सय ५७ शैया र पालिकामा ५ वटा बेडको अस्पताल थप गरी ६ सय ५९ पालिकाहरुमा ३ हजार २ सय ४५ शैया थप गरिएको बताउनुभयो।
