भाद्र १४, काठमाडौं। क्यारेबियन प्रिमियर लिग ( सीपीएल ) अन्तर्गत आज बिहान भएको जमैका तल्लावाज र सेन्ट किट्स एन्ड नेभिस प्याट्रिओट्स बीचको खेलमा नेपाली क्रिकेटर सन्दीप सम्मिलित जमैकाले जित हासिल गरेको छ।
सन्दीप लामिछानेको दुई विकेटको मद्दतमा जमैका तल्लावाजले सेन्ट किट्स एन्ड नेभिस प्याट्रिओट्सलाई ३७ रनले पराजित गरेको हो।
टस जितेर पहिले ब्याटिङ रोजेको जमैकाले १४७ रनको योगफल तयार पारेको थियो।निर्धारित २० ओभरमा १४८ रनको विजय लक्ष्यसहित मैदानमा उत्रिएको सेन्ट किट्स एन्ड नेभिस प्याट्रिओट्सले १९.४ ओभरमा सबै विकेट गुमाएर ११० रन मात्र बनाउन सक्यो।
जमैकाका लागि चार ओभर बलिङ गरेका सन्दीपले २७ रन खर्चेर दुई विकेट लिए। योसँगै सन्दीपले जारी प्रतियोगितामा छ खेल खेलेर नौ विकेट लिइसकेका छन्।
