लोक दोहोरी क्षेत्रमा छुट्टै नाम बनाएका गायक मोहन खड्काको यथार्थ जीवनमा आधारित नयाँ लोक दोहोरी ‘ रुने भयो काम ‘ म्यूजिक भिडियोमा सार्वजनिक भएको छ।
शिव पौडेलको शब्द रहेको गीतमा मोहन खड्काको साथमा आवाज दिएकी छिन् गायिका कमला पोख्रेलले।राजेश घिमिरेको छायाँकन, तथा बिक्रम चौहानको निर्देशन रहेको गीतको भिडियोको सम्पादन शिव पौडेलले नै गरेका छन्।
भिडियोमा केही समय अगाडि भाइरल भएका अर्जुन विक उनका छोरा विकास विक र मोडेल सारिका केसीको अभिनय देख्न सकिन्छ। अर्जुन विकले भिडियोमा आफ्नै यथार्थ जीवनको घटनालाई अभिनयबाट चित्रण गरेको छ ।
आमा म्यूजिक प्रालिद्वारा प्रस्तुत गरिएको उक्त भिडियो गायक मोहन खड्काकै युट्युब च्यानलबाट सार्वजनिक भएको छ।
