भदौ २३, काठमाडौं। डा. युवराज खतिवडाले शुक्रबार अर्थमन्त्री पदबाट राजिनामा दिएसंगै अबको आउँदो दिनको अर्थमन्त्री को बन्ला भन्ने अड्कल बाजी चलिरहेको छ।
सत्तारुढ दल नेपाल कम्युनिस्ट पार्टी ( नेकपा ) भित्रका वरिष्ठ नेता महासचिव विष्णु पौडेल र सुरेन्द्र पाण्डे बीच चर्को होडबाजी चलिरहेको छ ।
प्रधानमन्त्री केपी शर्मा ओली अर्थमन्त्री पदमा डा. युवराज खतिवडालाई नै पुन दोहोर्याउन इच्छुक देखिएता पनि यस्तो हुनसक्ने भएपछि प्रधानमन्त्रीले खतिवडालाई आफ्नो आर्थिक सल्लाहकार राख्ने अनुमान गरिएको छ।
अहिले अर्थमन्त्री पदको लागि महासचिव विष्णु पौडेल पहिलो रोजाइ बनेको छ। विष्णु पौडेल अर्थमन्त्री पदको पहिलो विकल्प भएपनि प्रधानमन्त्री ओली पौडेललाई अर्थमन्त्रीको पदभार दिन नचाहेको स्रोतले जनाएको छ।
नेता सुरेन्द्र पाण्डे यस होडबाजीको दोस्रो विकल्पको रूपमा लिइएको छ । अर्थ सम्बन्धी ज्ञान भएका र अर्थराजनीति बुझेका पाण्डे पदको लागि योग्य भएपनि प्रधानमन्त्री ओली उनीप्रति त्यति सकारात्मक देखिँदैन।
त्यस्तै अर्थमन्त्रीको पदका दाबेदारका रूपमा देखिएका नेता वामदेव गौतमको नाम प्रधानमन्त्रीले मन्त्रिपरिषदबाट सिफारिस नै गर्नुभएको छैन।
अहिले अर्थमन्त्रालयको जिम्मेवारी प्रधानमन्त्री ओलीले नै सम्हालिरहेको छ ।
अर्थ विषेशज्ञहरुले अर्थमन्त्रीको पदभार अर्थराजनीति बुझेकोलाई नै दिनुपर्नेमा जोड दिँदै आएकोछ ।
