भदौ २५, काठमाडौं। काठमाडौं उपत्यकामा तीन सातादेखिको निषेधाज्ञा खुकुलो बनाएको छ।
निषेधाज्ञाको चौतर्फी बिरोध हुनथालेपछि काठमाडौं, भक्तपुर र ललितपुरमा मोडालिटी परिवर्तन गरी निषेधाज्ञा खुकुलो बनाएको हो।
उपत्यकाका तीनै जिल्लाका प्रशासनले नागरिकको जीविका सहज बनाउन र आर्थिक गतिविधि सामान्यीकरण गर्न केही स्वास्थ्य मापदन्ड पालना गरेर उद्योग, व्यापार व्यवसाय , निजी तथा सार्वजनिक यातायात सञ्चालन गर्ने नयाँ व्यवस्था तयार पारेको छ।
सवारी साधन जोर बिजोर प्रणालीमा सञ्चालन गर्न पाइने, गाडीको कुल सितको आधा मात्र यात्रु राख्न पाउने सर्त प्रशासनले तयार पारेको छ।
निर्माण सामग्रीको ढुवानीको गाडी दिउँसो २ बजेदेखि ७ बजे सम्म संचालन गर्न पाउने छ।
अनलाइन डेलिभरी दिउँसो १२ बजेदेखि ७ बजेसम्म गर्न पाउने छ।
त्यस्तै खाद्यान्न थोक तथा किराना , दुग्धपसल , फलफूल, तरकारी , माछा मासु पसल बिहान बजेदेखि ११ बजे सम्म र साझ ५ बजेदेखि ७ बजेसम्म खोल्न पाइने व्यवस्था गरिएको छ।
खाद्यान्न ढुवानीका साधनमा जोर बिजोर प्रणाली लागु हुने छैन।
