भदौ २५, काठमाडौं। देशभरका विभिन्न प्रयोगशालामा गरिएको परीक्षणबाट आज बिहिबार थप १ हजार २४६ कोरोना संक्रमित थपिएको छ।
आज थपिएको १ हजार २४६ जना संक्रमित सहित नेपालमा कोरोना संक्रमितको संख्या ५० हजार नाघेको छ। हालसम्म कोरोना संक्रमितको कुल संक्रमित संख्या ५० हजार ४६५ पुगेको । त्यस्तै हाल देशमा सक्रिय संक्रमित १४ हजार ४४८ जना रहेका छन्।
स्वास्थ्य मन्त्रालयका अनुसार काठमाण्डौंमा मात्र ४९५ कोरोना संक्रमित थपिएको छ। त्यस्तै भक्तपुरका ३४, इलामका २, उदयपुरका २, खोटाङका १, झापाका ११, पाँचथरका ४, भोजपुरका ३, मोरङका १६, संखुवासभाका २२, सुनसरीका २३, धनुषाका २७, पर्साका ११, बाराका १७, रौतहटका २, सप्तरीका ३५, सर्लाहीका ४२, सिरहाका १, काभ्रेका ३६, चितवनका १८, दोलखाका ३, धादिङका ३, नुवाकोटका १ ,मकवानपुरका ३५, रामेछापका २, ललितपुरका ४३, सिन्धुपाल्चोकका १, सिन्धुलीका १, कास्कीका २१, गोर्खाका १, तनहुँका ५, नवलपरासीपूर्वका ८, पर्वतका २, लमजुङका १, बागलुङका ९, स्याङ्जाका १२, कपिलवस्तुका ४४, गुल्मीका ७, दाङका ४, नवलपरासीका ३७, पाल्पाका २९, बर्दियाका १०, बाँकेका ७०, रुपन्देहीका ५१, रोल्पाका १, रुकुमपश्चिमका ६, सल्यानका ६, सुर्खेतका ५, कैलालीका २१, डोटीका १, बाजुराका १ र बैतडीका १ जनामा संक्रमण पुष्टि भएको छ।
आज (बिहिबार ) कोरोना संक्रमणबाटन ५ जनाकाे मृत्यु भएकाे छ। मन्त्रालयका अनुसार मृत्यु हुनेमा एक महिला र चार पुरुष छन्।
मृत्यु हुनेमा काठमाडौँका ५९ र ८३ वर्षीय पुरुष तथा अन्य जिल्ला ५५ वर्षीया महिला, चितवनका ६२ वर्षीय पुरुष र कपिलवस्तुका २९ वर्षीय पुरुषको कोरोनाबाट मृत्यु भएको मन्त्रालयले जानकारी दिएको छ। योसँगै नेपालमा कोरोनाबाट ज्यान गुमाउनेको संख्या ३१७ पुगेको छ।
स्वास्थ्य तथा जनसंख्या मन्त्रालयका अनुसार बिहीबार १ हजार ८ सय १८ जना कोरोना संक्रमित डिस्चार्ज भएका छन्। हालसम्म डिस्चार्ज हुनेको संख्या ३५ हजार ७ सय पुगेको छ।
पछिल्लो २४ घण्टामा ११ हजार १ सय ४४ पीसीआर परीक्षण गरिएको स्वास्थ्य मन्त्रालयले जनाएको छ। हाल देशभर ५ हजार ८ सय ६ जना क्वारेन्टिनमा छन्।
