जनताले रगत पसिना एक गरी कमाएको पैसाको करबाट आज सरकार मातहतका मन्त्री सचिव जस्ता कर्मचारीहरु महंगा र विलासी गाडी आयात गर्छन् र त्यसको दुरुपयोग गर्छन्।
प्रदेश २ मा जुन दृश्य देखियो यसले सरकारको नीति माथि मात्र होइन सरकारको नियत माथि नै प्रश्न उब्जेको छ।
अहिले प्रदेशमा कोरोना भाईरसको महामारीलाई ध्यानमा राखी प्रदेशका विभिन्न क्षेत्रका मठ मन्दिरहरु बन्द गरेको छ। तर यो बन्द सर्वसाधारणलाई मात्र हो । मन्त्री, सचिवको छोराछोरी भाइ भतिजालाई होइन ।
आज साँझ ६ बजे प्रदेश २ को जानकी मन्दिरमा प्रदेश सचिवको रातो नम्बर प्लेटको गाडीमा छाेरा र भतिजा जानकी मन्दिर दर्शन गरेर गए। यहाँ कुरा मन्दिर दर्शन कसरी गर्न पाए भन्दा पनि सरकारी गाडी दुरुपयोग कसरी गर्न सके भन्ने रहेको छ।
सरकारी गाडी सरकारी कामकाजका लागि हो तर सचिवको करोडको सरकारी गाडी सचिवको छाेरा र भतिजालाई मोजमस्ती गर्न दिएजस्तो भयो।
प्रदेश २ ले १ वर्षमा ३५ करोडको गाडी किनेको छ। त्यस्तो महंगो र एसी भएको विलासी सरकारी गाडीमा छोरा र भतिजा आए र कोरोना डरले बन्द गरेको जानकी मन्दिर उनीहरूको लागि खोलिदिए। घुम्न पूजापाठ गर्न सकिएपछि सोही विलासी गाडीमा फर्के।
मन्दिरमा पनि रातो नम्बर प्लेटको पहुंच चाँडो पुग्ने रैछ । सर्वसाधारणलाई कोरोना संक्रमण हुने तर नेताका छोरा छोरीलाई नहुने के यो हो प्रदेश २ को प्रभाबकारी नियम ?
सरकारी महंगा र विलासी गाडी खास के प्रयोजनका लागि हो भन्ने गम्भीर प्रश्न अहिले उठिरहेको छ।
