२०७७ साउन ३० गते सिन्धुपाल्चोक जिल्ला ,जुगल गाउँपालिका-२ , लिदिमा गएको पहिरो पिडितहरुका लागि आज नेपाल तामाङ कलाकार संघ, नेपालको संयोजनमा पिडितहरुकै गाउँबस्तीमा पुगी एक कार्यक्रमका बीच रु १७,८४०००|-( सत्र लाख चौरासीहजार) र सिन्धुपाल्चोक जिल्लाकै बाराबिसे नगरपालिका ,जम्बोमा यस अघि गएको पहिरो पिडितका लागि तामाङ सोसाईटी युकेको तर्फबाट सिन्धुपाल्चोक जिल्ला समन्वय समितिका सभापति मार्फत रु १,०००००।- (रु एक लाख) गरी जम्मा रु १८,८४०००।- (अठार लाख चौरासी हजार) नगद आर्थिक सहयोग हस्तान्तरण गरियो ।
सहयोगी संस्थाहरु:
•तामाङ सोसाईटी, युकेबाट – रु ७,०००००|- सात लाख
• सानु वाईबा, युकेबाट संकलित रु ४,६५०००|- चार लाख पैसट्टीहजार ।
• नेपाल शेर्पा संघ बाट रु २,९००००।- दुई लाख नब्बे हजार ।
• कान्छी तामाङ (सगरमाथा आरोही) को पहलबाट रु १६०,०००|- एकलाख साठ्ठी हजार ।
• बैरागी मोक्तानबाट संकलित रु १,०७०००|- एकलाख सात हजार ।
• योगेश लामाबाट संकलित रु ६२०००।- रु बैसठ्ठी हजार ।
जिल्ला समन्वय समिति सिन्धुपाल्चोकका सभापति कृष्ण गोपाल तामाङको प्रमुख आतिथ्य र अन्तर्राष्ट्रिय तामाङ परिषद्का बरिष्ठ उपाध्यक्ष टासी लामाको बिशेष आतिथ्य शेर्पासंघका प्रतिनिधि र नेपाल तामाङ कलाकार संघका प्रतिनिधि मार्फत उहाँहरु घर सहित मानविय क्षति भएका १२ परिवारलाई रु ४०,०००।- को दरले , घरमात्र क्षति १७ परिवारलाई रु २०,०००।- का दरले , बिस्थापित १४३ परिवारलाई रु ६५००।- दरले र १३ जना गर्भवती र २ जना अपाङ्ग गरी १५ जनालाई रु २०००।- का दरले रकम वितरण गरियो ।
पिडाको घडीमा उक्त सहयोग रकम जुटाउन पहल गरी नेपाल तामाङ कलाकार संघ, नेपाललाई बिश्वासका साथ पठाउनुहुने माथि उल्लेखित संस्थाहरू, ब्यक्तित्वहरु र सहयोगी सबै मनका धनी महानुभावहरूमा र सहयोग हस्तान्तरण कार्यक्रममा सहयोग पुर्याउनु हुने स्थानिय वडा अध्यक्ष लगायत स्थानीय अगुवा ब्यक्तित्वहरु , आफ्नो अमूल्य समय प्रदान गरी कार्यक्रमलाई सफल पार्नुहुने प्रमुख अतिथि, बिशेष अतिथि र अतिथिहरूलाई हृदय देखि हार्द्धिक धन्यबाद ज्ञापन गर्दै , सबैको उत्तरोत्तर प्रगतिको कामना सहित आगामी दिनहरुमा पनि सबै संघ,संस्था व्यक्ति, ब्यक्तित्वहरुसॅग सदैब यस्तैगरी सहकार्य गर्दै अगाडी बढ्ने प्रण गर्दछौं ।
धन्यवाद!
