असोज १६, भक्तपुर। सल्लाघारीमा रहेको इवामुरा अस्पतालको लापरवाहीको कारण गम्भीर बिरामी भएका लक्ष्मीकुमार लाखाजुको उपचारका क्रममा आज नर्भिक अस्पतालमा मृत्यु भएको छ।
गत शुक्रबार घाँटीमा समस्या आएर उपचारका लागि हिँडेरै इवामुरा पुगेका ४७ वर्षका लक्ष्मीकुमार इन्डोस्कोपी गर्दागर्दै बेहोस भएका थिए। इवामुराले उनलाई मृत घोषणा गरेर मृत्यु प्रमाणपत्र दिइसकेका थिए।
अस्पतालले लापरवाही गरेको भन्दै पीडित व्यक्तिका परिवार, आफन्त र स्थानीयले अस्पताल घेराउ गर्दै बिहीबार उपचार खर्च अस्पतालले नै व्यहोर्ने गरी सहमति गरेको एकदिन पछि लाखाजुको आज नर्भिक अस्पतालमा निधन भएको परिवारको आरोप छ।
पीडित परिवार र अस्पतालबीच बिरामी लक्ष्मीकुमार लाखाजुुको उपचारमा लाग्ने सम्पूर्ण खर्च इवामुरा अस्पतालले व्यहोर्ने सहमति भएको र शुक्रवार भेन्टिलेटरबाट निकाल्ने वित्तिकै मृत्यु भएको मृतकका भाइ बिजेश लाखाले बताए।
सहमतिसँगै अस्पतालमा बिरामीका घरपरिवार, आफन्त तथा सर्वसाधारणले गरेको विरोध प्रदर्शन स्थगित गरेका थिए। शुक्रवार नर्भिकले थप उपचार हुन नसक्ने र घर लैजानु भनेपछि भेन्टिलेटरबाट निकालिएको थियो।
