असोज २०, काठमाडौं। नेपालमा हाल कोरोना संक्रमितको कुल संख्या ९० हजार बढी पुगेको छ।
मंगलबार देशभर थप १ हजार ५ सय ५१ जना कोरोना संक्रमित थपिएको स्वास्थ्य तथा जनसंख्या मन्त्रालयले जानकारी दिएको छ। योसँगै संक्रमितको कुल संख्या ९० हजार ८ सय १४ पुगेको छ ।
स्वास्थ्य मन्त्रालयका अनुसार आज काठमाडौँका ७८३, काभ्रेका २४, चितवनका ८१, दोलखाका १, धादिङका ५, नुवाकोटका ५, भक्तपुरका ११६, मकवानपुरका ६, रामेछापका २, ललितपुरका ११८, सिन्धुपाल्चोकका ३, सिन्धुलीका २,इलामका २, उदयपुरका ३, खोटाङका १, झापाका ४, ताप्लेजुङका १, धनकुटाका २, मोरङका २७, सुनसरीका १९ ,धनुषाका १२, पर्साका २, बाराका २, महोत्तरीका १५, रौतहटका ६, सप्तरीका २, सर्लाहीका ७, सिरहाका १०, कास्कीका २, गोर्खाका २०, तनहुँका २, नवलपरासी पूर्वका १३, म्याग्दीका १, लमजुङका १, बागलुङका १, स्याङ्जाका ५,अर्घाखाँचीका २, कपिलवस्तुका २, गुल्मीका २, दाङका ३४, नवलपरासीका ९, पाल्पाका ४, प्यूठानका ६, बर्दियाका १, बाँकेका ३४, रुपन्देहीका ९६, रोल्पाका १, कालिकोटका १०, दैलेखका ७, कालिकोटका १०, दैलेखका १०, रुकुम पश्चिमका ४, सुर्खेतका १, कञ्चनपुरका ४, कैलालीका २०, डडेल्धुराका १, डोटीका १, बझाङका १ र बैतडीका ५ जनामा कोरोना संक्रमित थपिएको छ।
त्यस्तै मनाङ, मुस्ताङ, सोलुखुम्बु, रुकुमपूर्व र डोल्पा जिल्ला कोरोना भाइरस संक्रमणमुक्त रहेका छन् भने मोरङ, सुनसरी, काठमाडौँ, ललितपुर, भक्तपुर, चितवन र रुपन्देहीमा ५०० भन्दा बढी सक्रिय संक्रमित रहेको मन्त्रालयले जानकारी दिएको छ।
