‘ सेवा नै धर्म हो धर्म नै पुजा ‘ यस भनाइलाई सार्थक तुल्याउँदै आउनु भएको छ समाजसेवी एवम् अभियन्ता सफल घलान ।
दुःख , पीडामा परेकाहरुका लागि उनी बाँच्न आश नै बन्नुभएको छ। उनी विगत लामो समयदेखि गरीब, दुखी,असहाय र आर्थिक स्थिति कमजोर भई मृत्यु नजिक पुगेका पीडितहरूका लागि राहत संकलन अभियानमा दत्तचित्त भएर लागि रहनु भएको छ ।
‘ हामी नेपालीहरु साँच्चै नै मनकारी छौ। एक अर्काको दुःखमा एक छाक नखाइकन भएपनि साथ सहयोग गर्ने गर्छौं किनकि पछि आफु र आफ्नो परिवारका सदस्यमा पनि आइपर्न सक्छ । त्यसैले सबैले सक्दो सहयोग गर्न आग्रह गर्नुपर्ने बताउनु हुन्छ अभियन्ता सफल घलान। ‘
पछिल्लो समय उनी चितवनकी १८ वर्षीया सुस्मिता ब्लोन तामाङको उपचारका निम्ति ” सुस्मिता बचाउ अभियान ” मार्फत राहत संकलनमा जुटिरहनु भएको छ। मिस मेघा २०१९ की विजेता समेत रहेको सुस्मिताको दुइटै मृगौला फेल भएका कारण ९ महिना देखि अस्पालमा रहेकी छिन्। उनको पारिवारिक आर्थिक स्थिति कमजोर भएकै कारण उपचारमा प्रभाव परिरहेको बताउनु हुन्छ अभियन्ता सफल घलान।
