असोज २६, काठमाडौं। नेपाल राष्ट्र बैंकले कोरोना संक्रमण जोखिम कम गर्न यस वर्ष दशैंमा नयाँ नोट साट्न नदिने भएको छ।
नोट सटही गर्दा बैंकमा भीड हुने र कोरोना भिडभाडबाट सर्ने हुँदा यस्तो कदम उठाएको बैंकको भनाइ छ। राष्ट्र बैंकले विगतका वर्षहरूदेखि बडादशैँ लगायतका राष्ट्रिय चाडपर्वहरुमा सर्वसाधारणका लागि साना दरका नयाँ नोटहरुको सटही व्यवस्थापन गर्दै आएको व्यहोरा अवगत गराउँदै यस वर्षको दशैँ संघारमा आइपुग्दा पनि नेपालमा कोरोना महामारी तिब्र गतिमा बढीरहेको हुनाले सर्वसाधारणका स्वास्थ्यलाई ध्यानमा राखी बैंकका कुनै पनि कार्यालयबाट नोट सटही नगर्ने निर्णय गरेको जानकारी दिएको छ।
