असोज २७, काठमाडौं। देशभर कोरोना संक्रमण पुष्टि हुनेको संख्या १ लाख १५ हजार ३५८ पुगेको छ।

मंगलबार थप ३ हजार ५५६ जनामा कोरोना भाइरसको संक्रमण देखिएको छ। स्वास्थ्य तथा जनसंख्या मन्त्रालयका अनुसार १५ हजार ५ सय ७७ पीसीआर परीक्षण भएकोमा ३ हजार ५ सय ५६ जनामा संक्रमण देखिएको हो।योसँगै नेपालमा कोरोना संक्रमितको कुल संख्या  १ लाख १५ हजार ३५८ पुगेको हो।हाल देशभर सक्रिय संक्रमितको संख्या भने ३५ हजार ९१५ रहेको छ।

काठमाडौँ उपत्यकामा मात्र २ हजार १२९ कोरोना संक्रमित थपिएका छन्। काठमाडौं जिल्लामा १ हजार ७४६, भक्तपुर जिल्लामा १६७ र ललितपुर जिल्लामा २१६ जनामा कोरोना पुष्टि भएको स्वास्थ्य मन्त्रालयले जनाएको छ।

यस्तै नेपालमा कोरोना भाइरसको संक्रमणबाट थप १८ जनाको मृत्यु भएको छ। योसँगै हालसम्म कोरोनाबाट ज्यान गुमाउनेको  संख्या ६६३ पुगेको छ।