असोज २८, काठमाडौं। युएईमा जारी इन्डियन प्रिमियर लिग (आईपीएल)मा मंगलबार राति भएको खेलमा चेन्नई सुपर किंग्सले सनराइजर्स हैदराबादलाई २० रनले पराजित गरेको छ।
चेन्नईले दिएको १६८ रनको लक्ष्य पछ्याएको हैदराबादले निर्धारित २० ओभरमा ८ विकेटको क्षतिमा १४७ रनमात्र बनाउन सक्यो।
हैदराबादका केन विलियम्सनले सर्वाधिक ५७ रन जोडे पनि जितका लागि पर्याप्त भएन। जोनी बेयरस्टो २३ रन आउट भए।
चेन्नईका करण शर्मा र ड्वेन ब्राभोले समान २ विकेट झारे। शार्दुल ठाकुर, रवीन्द्र जडेजा र साम करनले एक–एक विकेट लिए।
