कार्तिक २, काठमाडौं।इन्डियन प्रिमियर लिग (आईपीएल) टी–ट्वेन्टी क्रिकेटमा चेन्नई सुपर किङ्सलाई ५ विकेटले हराउँदै दिल्ली क्यापिटल्स खेल तालिकाको शिर्ष स्थानमा पुगेको छ।
टस जितेर पहिले ब्याटिङ गरेको चेन्नईले २० ओभरमा ४ विकेट गुमाएर १७९ रन बनायो ।चेन्नईको लागि फाफ डु प्लेसिसले सर्वाधिक ५८ रन जोडे ।
चेन्नईले दिएको १८० रनको लक्ष्य पछ्याउँदै दिल्लीले खेलमा १ बल बाँकी छँदा ५ विकेट गुमाएर पुरा गर्यो ।
दिल्लीका लागि शिखर धवनले अविजित १०१ रन जोडे । जितसँगै दिल्ली क्यापिटल्स ९ खेलबाट १४ अंक जोड्दै तालिकाको शिर्ष स्थानमा उक्लिएको हो ।
एक खेल कम खेलेको मुम्बई इण्डियन्स १२ अंकसहित दोस्रो स्थानमा छ । आईपिएल अन्तर्गत हिजोको अर्को खेलमा रोयल च्यालेन्जर्स बैंगलोरले राजस्थान रोयल्सलाई ७ विकेटले हराएको थियो ।
आज आईतबार सनराईजर्स हैदरावादसँग कोलकाता नाइट राइडर्स र मुम्बई इण्डियन्ससँग किङ्स इलेभेन पन्जाब भिड्नेछन्।
