कार्तिक ४, काठमाडौं। इन्डियन प्रिमियर लिग (आइपिएल) मा साविक उपविजेता चेन्नई सुपर किंग्स राजस्थान रोयल्ससंग ७ विकेटले पराजित भएकोे छ।
चेन्नईले दिएको १२६ रनको विजयी लक्ष्य पछ्याएको राजस्थानले १७.३ ओभरमा ३ विकेटको गुमाउदै पूरा गर्यो। राजस्थानका जस बटलर ७० रनमा अविजित रहे।
टस जितेर पहिला ब्याटिङ गरेको चेन्नईले २० ओभरमा ५ विकेटको क्षतिमा १२५ रन बनाएको थियो । चेन्नईका अलराउन्डर रविन्द्र जडेजाले सर्वाधिक ३५ रनमा अविजित रहे।राजस्थानका लागि श्रेयस गोपाल , राहुल टेवाटिया , कार्तिक त्यागी र जोफ्रा आर्चरले १-१ विकेट लिए।
राजस्थानको यो चौथो जित हो। राजस्थान १० खेलमा ६ हार र ४ मा जित सहित पाँचौ स्थानमा पुगेको छ।
त्यस्तै यता चेन्नई भने यो सातौं हार हो। योसँगै चेन्नई आइपिएलमा पहिलो पटक लिग प्ले अफमा पुग्ने सम्भावना कम रहेको छ ।
अहिले जारी लिगमा दिल्ली क्यापिटल्स ९ खेलमा ७ मा जित र २ मा हार सहित १४ अंकका साथ शीर्षस्थानमा छ।
आज मंगलबार किङ्स इलाभेन पञ्जाब र दिल्ली क्यापिटल्स बीच प्रतिस्पर्धा हुनेछ।
