कार्तिक २५, काठमाडौं। विश्वको सर्वाधिक चासोको विषय बनेको अमेरिकाको चुनाव नतिजा प्रकाशन भइसकेको छ र अमेरिकाको राष्ट्रपति पदका लागि पुर्व उपराष्ट्रपति जो बाइडेन विजयी भएको छ।
तर पुर्व राष्ट्रपति डोनाल्ड ट्रम्प यो नतिजाबाट विमति जनाउँदै स्टप भोट काउन्टिङ भन्दै नाराबाजी गर्दै प्रकाशित नतिजाको विरोध जताईरहेको छ। ट्रम्प र रिपब्लिकन पार्टीका समर्थकहरूले मतदान र मतगणनामा धाँधली गरेको आरोप लगाइरहेका छन्। उनका वकिलहरुले देशका विभिन्न जिल्लाका अदालतमा यसको मुद्दा दायर पनि गरेको छ।
चुनावी प्रक्रियामा कतिको धाँधली भएको छ छैन यो कानुनले तय गर्छ तर जुन आरोप ट्रम्पले अहिले डेमोक्र्याटीक पार्टीका जो बाइडेनलाई लगाइरहेको छ सोही आरोप चार वर्ष अगाडि ट्रम्प स्वयमलाई लागेको थियो।
त्यो समयमा आफ्नो जीत प्रजातन्त्रको जीत भएको ठोकुवा गर्ने ट्रम्प आज अर्को नेता जो बाइडेन जसले ७४ मिलियन मतले जितेको छ उसलाई मत गणनामा धाँधली गरेको आरोप लगाउँदै आएको छ । के आफ्नो जीत प्रजातन्त्रको जीत र अरूको जितमा खुसी हुन नसक्ने धाँधलीको आरोप लगाउने ट्रम्पको यो राजनीति ?
ट्रम्पले जाती नै बिरोध गरेपनि अमेरिकी जनता बाइडेनको जितले सन्तुष्ट छन्। अहिले सर्वाधिक ७४ मिलियन मत ल्याएर अमेरिकाको ४६ औं राष्ट्रपति निर्वाचित भएका छन् जो बाइडेन र क्यालिफोर्नियाकी सिनेटर कमला ह्यारिस इतिहास कायम गर्दै पहिलोपटक महिला, त्यसमाथि कालाजाति र साउथ एशियन मूलको अमेरिकन उपराष्ट्रपति भएकी छिन्।
उमेर , अनुभव र राजनीतिमा लागेर पाको भएका राष्ट्रपति हुन् जो बाइडेन। नोभेम्वर २०, १९४२ मा पेन्सलभेनियाँमा जन्मिएका वाइडेन आजभन्दा ४७ वर्षअघि सबैभन्दा कान्छो २९ वर्षको उमेरमा डेलावेर राज्यबाट सिनेटरका रुपमा निर्वाचित भएका थिए।
जो बाइडेनको जितले अमेरिकन जनताको खुसी आकाशिएको छ । केही वर्षयतादेखि अपरिपक्व र तानाशाही शासन गर्न खोजेको र जो बाइडेनको जितले यसको अन्त्य भएको भन्दै ट्रम्पको रिपब्लिकन पार्टीका केही नेताहरुले पनि खुसी प्रकट गरेका छन्।
