मंसिर ५, काठमाडौं ।विश्वभर कोरोना भाइरसको संक्रमित संख्या ५ करोड ७२ लाख नाघेको छ ।वर्ल्डमिटरको आजको नयाँ अपडेट अनुसार हाल विश्वभर ५ करोड ७२ लाख ३६ हजार ३३५ पुगेको छ।
तथ्यांक अनुसार १३ लाख ६५ हजार ६३४ को मृत्यु भएको छ । विश्वभर ३ करोड ९७ लाख २२ हजार ८०२ कोरोना भाइरसको संक्रमणबाट मुक्त भएका छन् । एक करोड ६१ लाख ४७ हजार ८९९ सक्रिय संक्रमित छन् ।
सबैभन्दा बढी अमेरिकामा एक करोड २० लाख बढी कोरोना संक्रमित भइसकेका छन् । जसमध्ये २ लाख ५८ हजारको मृत्यु भइसकेको छ ।
भारतमा ९० लाख ४ हजार ३६५ संक्रमितमध्ये एक लाख ३२ हजार बढीको मृत्यु भइसकेको छ । ब्राजिलमा ५९ लाख ८३ हजार संक्रमितमध्ये एक लाख ६८ हजारको मृत्यु भएको छ ।
हाल लकडाउन रहेको देश फ्रान्समा २० लाख ८६ हजार संक्रमित संख्यामध्ये ४७हजारको मृत्यु भइसकेको छ ।
पछिल्लो तथ्यांक अनुसार नेपालमा २ लाख १५ हजार २० कोरोना संक्रमितमध्ये १२ सय ७६ को मृत्यु भएको छ ।
