मंसिर ९, काठमाडौं । आजबाट कक्षा १२ को परीक्षा सुरु भएको छ। परीक्षा बिहान ८ बजेदेखि सुरु भएको छ।
परीक्षामा ४ लाख ३२ हजार परीक्षार्थी सहभागी भएका छन् । 
देशभर ४ हजार एक सय ५ वटा परीक्षा केन्द्रमा परीक्षा सञ्चालन गरिएको छ।
परीक्षा केन्द्रहरूमा हेल्थ डेस्क राखेर विद्यार्थीको ज्वरो नाप्ने र साबुनपानीले हात धुने व्यवस्था गरिएको छ।
सरकारले परीक्षामा ढुक्क भएर सहभागी हुन विद्यार्थीसँग आग्रह गरेको छ। शिक्षा, विज्ञान तथा प्रविधि मन्त्री गिरिराजमणि पोखरेलले परीक्षा केन्द्रमा सबै स्वास्थ्य मापदण्ड पालना हुने भएकाले ढुक्क हुन आग्रह गरेका हुन्।
कोरोना सङ्क्रमण पुष्टि भएर पनि परीक्षामा बस्न सक्ने विद्यार्थीका लागि भने छुट्टै स्थानको व्यवस्था गरिएको छ भने कोरोना सङ्क्रमण भएका र परीक्षामा बस्न नसक्ने परीक्षार्थीलाई अर्को परीक्षा सञ्चालन गरिनेछ । परीक्षा मंसिर १६ मा सकिनेछ । यस बर्ष परीक्षामा सैद्धान्तिक तर्फ कुल पूर्णाङ्कको ४० प्रतिशत मात्रै लिखित परीक्षा लिन लागिएको हो।
