असार १२ , काठमाडौं । नेकपाको स्थायी कमिटीको आजको बैठकमा प्रधानमन्त्री एवं अध्यक्ष केपी शर्मा ओली सहभागी भएका छैनन्।
बुधवारबाट शुरु भएको स्थायी कमिटीमा आजबाट विभिन्न एजेन्डामाथि छलफल हुने कार्यक्रम रहेको छ। बुधवार प्रारम्भ भएको बैठकले सात वटा एजेन्डा स्वीकृत गरेको थियो।
स्थायी कमिटी बैठकमा आज वरिष्ठ नेताद्वय झलनाथ खनाल, माधव नेपाल र उपाध्यक्ष वामदेव गौतमले कडा रुपमा ओलीको आलोचना गर्ने तयारी गरेका थिए ।
बैठक सञ्चालनको जिम्मेवारी अर्का अध्यक्ष पुष्पकमल दाहाल प्रचण्डले पाइसकेकाले ओली बैठकमा अनुपस्थित भएको बताइएको छ। यसअघिको स्थायी कमिटीमा पनि बैठक सञ्चालनको जिम्मेवारी ओलीले प्रचण्डलाई सुम्पेका थिए।
