असार १३ , काठमाडौं।
नेपाल कम्युनिष्ट पार्टीको स्थायी कमिटी बैठक असार १६ गते ( मंगलबार ) सम्मका लागि स्थगित गरिएको छ।
आइतबार मदन स्मृति दिवस र सोमबार धान दिवस ( असार १५ ) दही चिउरा खाने दिन परेकाले मंगलबार सम्मका लागि बैठक स्थगित गरिएको प्रवक्ता नारायणकाजी श्रेष्ठले बताए।
बुधबार देखि शुरु भएको बैठकको आज दोस्रो दिन शनिबार २१ जनाले आफ्नो धारणा राखेका छन्। शुक्रबार देखि शुरु भएको सीमा समस्या र समाधानबारे नेताहरुले धारणा राखेका हुन्।
आजको बैठकको निर्णयअनुसार, सरकारले नेपालको नयाँ राजनीतिक तथा प्रशासनिक नक्सा जारी भइसकेकाले अब भूमि फिर्ता ल्याउन कुटनैतिक वार्तामा जोड दिनुपर्ने नेताहरुले बताएको प्रवक्ता श्रेष्ठले बताए।
नेकपा अध्यक्ष एवम् प्रधानमन्त्री केपी शर्मा ओली स्वास्थ्य समस्याका कारण बीचमा बैठक छोडेर जानुभएपछि अर्का अध्यक्ष पुष्पकमल दाहालको अध्यक्षतामा बसिरहेको बैठकमा प्रधानमन्त्रीको स्वास्थ्य समस्याका कारण बैठकमा अनुपस्थित रहेको प्रवक्ता श्रेष्ठले बताए।
