असार १८, काठमाडौं ।राष्ट्रपतिले संघीय संसद्को दुवै सदनको चालु अधिवेशन अन्त्य गरेकी छिन् ।
राष्ट्रपति विद्यादेवी भण्डारीले मन्त्रिपरिषद्को सिफारिसमा संसद्को बजेट अधिवेशन अन्त्य गरेकी हुन् ।सिफारिस आज अपरान्ह ५ बजेदेखि लागू हुनेगरी छ ।
बिहीबार बिहान बसेको मन्त्रिपरिषद् बैठकले राष्ट्रपतिसमक्ष संसद्को चालु अधिवेशन अन्त्य गर्न सिफारिस गरेको थियो । त्यस्तै आज बिहान मन्त्रिपरिषद् बैठकअघि प्रधानमन्त्री केपी शर्मा ओली राजनीतिक परामर्शका लागि शीतल निवास पुगेका थिए ।
राष्ट्रपतिद्वारा जारी विज्ञप्तीमा,’ नेपालको संविधानको धारा ९३ को उपधारा (२) बमोजिम नेपाल सरकार, मन्त्रिपरिषद्को मिति २०७७/ ३/१८ को सिफारिसमा संघीय संसदको दुवै सदनको चालू अधिवेशन ०७७ असार १८ गते विहीबारका दिन अपरान्ह ५ बजेदेखि अन्त्य गरेको छु ’ भनिएको छ ।
