असार १८, काठमाडौं । पछिल्लो २४ घण्टामा थप ४७३ (महिला १०९ र पुरुष ३६४) जनामा कोरोनाभाइरस सङ्क्रमण पुष्टि भएको स्वास्थ्य तथा जनसङ्ख्या मन्त्रालयले बताएको छ।
यो सँगै कोरोना संक्रमण पुष्टि भएका सङ्क्रमितको कुल सङ्ख्या १४ हजार ५ सय १९ पुगेको छ।
त्यस्तै आज एक शिशुको कोरोनाका कारण मृत्यु भएको छ । मृत्यु हुनेको संख्या ३१ पुगेको छ भने ४ हजार ३ सय २० जना निको भएको मन्त्रालयको तथ्याङ्कले देखाउँछ।
कोरोना संक्रमण निको हुनेको संख्या ६६४ जना रहेका छन् भने अहिले आइसोलेशनमा भएका सङ्क्रमितको सङ्ख्या ९ हजार ३सय ३० जना भएको मन्त्रालयका प्रवक्ता डा. जागेश्वर गौतमले बताए।
कोरोना निको हुनेहरूको सङ्ख्या यो अहिलेसम्मकै उच्च रहेको छ ।
