असार २२, काठमाडौं । सोमबार नेपाल वायुसेवा निगमका ७ जना कर्मचारीलाई कोरोना संक्रमण देखिएको छ । पीसीआर परीक्षण रिपोर्टमा चालक दलका ७ जनामा कोरोना पोजिटिभ देखिएको निगमकी प्रवक्ता अर्चना खड्काले जानकारी दियकी हुन् ।
विभिन्न देशमा रहेका नेपाली नागरिकको उद्धार कार्यमा जुटेका ३ चालक र ४ चालक दलका सदस्य रहेको प्रवक्ता खड्काले जानकारी गराए।
यसैबीच संस्कृति, पर्यटन तथा नागरिक उड्डयन मन्त्री योगेश भट्टराईले कोरोना पुष्टि भएका नेपाल वायुसेवा निगमका कर्मचारीको स्वास्थ्य लाभको कामना गर्दै सामाजिक सञ्जाल ट्विटरमा लेखका छन् ,‘नेपाल सरकारले दिएको जिम्मेवारी पूरा गर्ने क्रममा नेपाल वायु सेवा निगमका चालक दलका केही सदस्यमा कोरोना पोजेटिभ देखिएकोमा दुःख लागेको छ । सङ्कटकालीन अवस्थामा उहाँहरुले गर्नुभएको कामको उच्च प्रशंसा गर्दछु । उहाँहरुको शीघ्र स्वास्थ्य लाभको कामना गर्दछु ।’
