असार २३, काठमाडौं ।नेपाल कम्युनिस्ट पार्टीका अध्यक्ष पुष्पकमल दाहाल प्रचण्ड र अर्का अध्यक्ष तथा प्रधानमन्त्री केपी ओलीबीच वर्ता सुरु भएको छ।

प्रचण्ड ओलीबीच एकल वार्ता सुरु भएको छ।  वार्ता सुरु भएको प्रचण्डका प्रेस संयोजक विष्णु सापकोटाले जानकारी दिए। पछिल्लो पटक भएको ओली प्रचण्ड भेटमा एक्ला एक्लै वार्तामा बस्ने सहमति भएको थियो। नेकपा भित्रको विवाद समाधानका लागि केही दिन अघिदेखि ओली प्रचण्डबीच पटक पटक वार्ता भए पनि निकास निस्कन सकेको छैन।

नेकपा स्थायी कमिटी वैठकमा प्रधानमन्त्री ओलीलाई दुबै पदबाट राजीनामा दिन माग गरेपछि  पार्टी विभाजनको संघारमा पुगेको थियो। प्रचण्ड-बरिष्ठ नेता माधवकुमार नेपाल समूहले ओलीले पार्टी फुटाउन लागेको आरोप लगाएका थिए भने ओलीले आफू र राष्ट्रपति विद्यादेवी भण्डारीलाई पदबाट हटाउन खोजेको आरोप लगाएका थिए।