असार २४ , पाँचथर । पाँचथर जिल्लाको वालेलुङ गाउँपालिका वडा नं – ६ को धन बहादुर राईको परिवार आरन चलाएर मनग्गे आम्दानी गरिरहेका छन् । जातिका आधारमा कुनै पनि काम ठूलो र सानो हुँदैन भन्ने संदेश राई परिवारले दिएको छ ।

जाती विशेषले गर्नु पर्ने कामको परम्परालाई तोड्दै राई परिवारले आरनको काम गरी राम्रो उदाहरण प्रस्तुत गरेको छ । गाउँका विश्वकर्मा जातले  आफ्नो परम्परा देखिको काम आरन व्यवसाय छोड्दै गएपछि राईको परिवारले ६ वर्ष देखि  कुटो,  कोडालो, हँसिया जस्ता घरेलु हतियार बनाउँदै यो व्यवसायबाट राम्रै आम्दानी गरिरहेको छ ।

गाउँका पहिले कामीले गर्ने काम गर्नुहुँदैन भनेपनि धन बहादुर राईले कामलाई निरन्तर दिँदै गएको थियो । अहिले तिनै गाउँलेहरु राईले गरेको व्यवसायबाट खुसी छन्।गाउँले राई परिवारको कामले कृषि कार्यमा सहयोग पुगेको बताउँछन् ।

हेर्नु नयाँ कुरा डट कममा देखाइएको यो भिडियो