असार २५, भक्तपुर । मास्क नलगाई बाहिर निस्कनेलाई सरकारले कडाई गर्न थालेपछि भक्तपुरमा बुधबार मास्क नलगाई हिडडुल गर्ने ४८ जनालाई प्रहरीले पक्राउ गरेको छ ।
प्रहरीले मास्क लगाई लकडाउनको नियम पालन गर्न आग्रह गरिरहँदा पनि बेवास्ता गरी मास्क नलगाउने ४८ जनालाई कारबाही गरिएको महानगरीय प्रहरी परिसर भक्तपुरले जनाएको छ ।
कोभिड–१९ को संक्रमण फैलिन नदिन सरकारले अत्यावश्यक काममा सवारी साधन वा पैदल हिँड्दा अनिवार्यरुपमा मास्क लगाउन र सामाजिक दूरीलाई पालन गरी कार्य गर्न आग्रह गरे पनि सर्वसाधारणले बेवास्ता गरेकाले पक्राउ गरी संक्रमण रोग ऐन, २०२० अनुसार कारवाही सुरु गरिएको परिसर भक्तपुरका सुचना अधिकारी प्रहरी नायब उपरीक्षक दिपक गिरीले जानकारी दिए ।
