साउन १, काठमाडौं ।सिन्धुपाल्चोकको भोटेकोशी गाउँपालिका वडा नं ४ स्थित फुल्पिङकट्टी गाउँमा गएराति बजे गएको पहिरोले २ घर पुरिंदा ५ जना बेपत्ता भएका छन्।
बुधबार परेको अविरल वर्षाका कारण मध्यरातमा घर माथिबाट पहिरो खसेर स्थानीय गेन्जेन शेर्पाको घर पहिरोले पुरिँदा उनका आमा, श्रीमती, बहिनी र दुई छोरीलाई पहिरोले पुरेको र एउटा घरमा पहिले देखि कोही नबसेको स्थानीय बुद्धिबहादुर गुरुङले जानकारी दिए।
पहिरोमा परी दुई घर पुरिएको सूचना प्राप्त भएको जिल्ला प्रहरी कार्यालयका प्रमुख प्रहरी निरीक्षक रामचन्द्र घिमिरेले बताए । प्रहरी घटनस्थलम पुग्न सकेको छैन ।
